Tel: +44 7886793460 Email: info@chhetrisamajuk.org

बेलायतबाट दङ्ग पर्दै उडे १ सय ४६ नेपालीहरु


शनिबार १३ असार, २०७७
1058

लण्डन । विभिन्न कारणले बेलायतमा आएर कोरोना संक्रमणका कारण रोकिएका नेपालीहरु स्वदेश फर्किन पाउँदा दङ्ग परेका छन् । विगत ४ महिनादेखि लकडाउनका कारण बेलायतमा रोकिएर बसेका करिब १ सय ४६ जना नेपालीहरु बेलायतको ग्याटवीक एयरपोर्टबाट दिउँसो ३ बजेर ५० मिनेट जाँदा नेपालका लागि उडेका हुन् ।

उनीहरु बिहीबार बिहान ९ बजेर १० मिनेटमा त्रिभुवन अन्तर्राष्ट्रिय विमानस्थलमा अवतरण गर्नेछन् । नेपाली राजदूतावास लन्डन र गैरआवासीय नेपाली संघको संयुक्त पहलमा उनीहरुलाई जजिरा एयरलाइन्सको उडानबाट प्राथमिकताका आधारमा नेपाल पठाइएको दूतावासले जनाएको छ ।

भिसा अवधि सकिएका, नेपालमा बाबुआमाको मृत्यु भएर काजक्रिया गर्न जान नपाएका, पढाइ सकिएका वा बीचमा छोडेरै जान लागेका विद्यार्थी, तालिमका लागि आएका कर्मचारी र सेनाका अधिकृत, जाँच दिन आएका डाक्टर, महामारीका बेला रोजगारी गुमाएका कामदार तथा बेलायतमा घरेलु कामदारका रुपमा कार्यरत नेपालीहरुले नेपाल फर्किनेको सूचीमा नाम दर्ता गराएका थिए ।

दर्ता गराउनेहरुमध्ये   प्रथामिकताका आधारमा आज पहिलो उडानमार्फत नेपाल पठाइएको गैरआवासीय नेपाली संघ बेलायतकी अध्यक्ष पुनम गुरुङले जानकारी दिइन् । उनीहरुको विदाइका लागि बेलायतका लागि नेपाली राजदूत डा. दुर्गाबहादुर सुवेदी, नेपाली दूतावासका प्रवक्ता शरदराज आरण, गैरआवासीय नेपाली संघ बेलायतकी अध्यक्ष पुनम गुरुङ लगायतका टोली विमानस्थल पुगेका थिए ।


करिब ५ सय जना नेपालीहरुले स्वदेश फर्किन आफ्नो नाम दर्ता गराएका भएपनि हालसम्म दुईवटा उडान तालिकाको तय भएको हो । जसमध्ये आज एउटा फ्लाइट नेपालतर्फ उडेको हो । अर्को फ्लाइट २६ जुन शुक्रबारको लागि तय भएको छ ।

जजिरा एयरवेजका दुईवटा उडानबाट करिब तीन सयजति नेपालीहरु स्वदेश फर्किन पाउनेछन् । बाँकी रहेका नेपालीहरुलाई पनि आवश्यकताअनुसार नेपाली दूतावासद्वारा पहल गरिने बताइएको छ ।
 

Notice Board


कोरोना भाइरस (कोभीड १९) सम्बन्धि जरुरि सूचना
विश्वभरी महामारीको रुपमा फैलिरहेको कोरोना भाइरसबाट सावधानी अपनाउनको लागि विभिन्न कुरामा ध्यान पुर्याउन आवश्यक हुन्छ । यो भाइरस अन्य कुनै भाइरस संग नमिल्ने भएकाले यसलाई नोभेल कोरोना भाइरस भनि...


View Details